محکمہ تعلیم کا گرمیوں کی چھٹیوں سے متعلق اہم اعلان

لاہور: پنجاب بھر کے تعلیمی اداروں میں موسم گرما کی چھٹیاں یکم جون سے شروع کرنے کی تجویز دی گئی ہے، تاہم تعطیلات پہلے شروع کرنے کا حتمی فیصلہ وزیراعلیٰ کریں گی۔

محکمہ اسکول ایجوکیشن نے وزیراعلیٰ سے چھٹیوں کے شیڈول کی منظوری طلب کر لی ہے۔ سیکرٹری تعلیم خالد نذیر وٹو کے مطابق، اگر گرمی کی شدت میں اضافہ ہوا تو تعطیلات مقررہ تاریخ سے پہلے دی جا سکتی ہیں۔

یاد رہے کہ بڑھتے درجہ حرارت کے باعث اسکولوں کے اوقاتِ کار میں پہلے ہی 30 منٹ کی کمی کی جا چکی ہے، جو 7 اپریل سے 15 اکتوبر تک نافذ رہے گی۔

والدین کی جانب سے بچوں کی صحت کے تحفظ کیلئے چھٹیاں جلد دینے کا مطالبہ بھی زور پکڑ رہا ہے۔